Welcome to Bhajans Page

Verse 1

नमामीश्वरं सच्चिदानन्दरूपं लसत्कुण्डलं गोकुले भ्राजमानम्

namāmīśvaraṁ sac-cid-ānanda-rūpaṁ lasat-kuṇḍalaṁ gokule bhrājamānam 

यशोदाभियोलूखलाद्धावमानं परामृष्टमत्यन्ततो द्रुत्य गोप्या

yaśodā-bhiyolūkhalād dhāvamānaṁ parāmṛṣṭam atyantato drutya gopyā 

रुदन्तं मुहुर्नेत्रयुग्मं मृजन्तं कराम्भोजयुग्मेन सातङ्कनेत्रम्

rudantaṁ muhur netra-yugmaṁ mṛjantaṁ karāmbhoja-yugmena sātaṅka-netram 

मुहुः श्वासकम्पत्रिरेखाङ्ककण्ठ-स्थितग्रै वदामोदरं भक्तिबद्धम्

muhuḥ śvāsa-kampa-trirekhāṅka-kaṇṭha-sthita-graīva-dāmodaraṁ bhakti-baddham 

इतीदृक् स्वलीलाभिरानन्दकुण्डे स्वघोषं निमज्जन्तमाख्यापयन्तम्

itīdṛk sva-līlābhir ānanda-kuṇḍe sva-ghoṣaṁ nimajjantam ākhyāpayantam

तदीयेशितज्ञेषु भक्तैर्जितत्वं पुनः प्रेमतस्तं शतावृत्ति वन्दे

tadīyeṣita-jñeṣu bhaktair jitatvaṁ punaḥ prematas taṁ śatāvṛtti vande

वरं देव मोक्षं न मोक्षावधिं वा न चान्यं वृणेऽहं वरेषादपीह

varaṁ deva mokṣaṁ na mokṣāvadhiṁ vā na cānyaṁ vṛṇe 'haṁ vareṣād apīha

इदं ते वपुर्नाथ गोपालबालं सदा मे मनस्याविरास्तां किमन्यैः

idaṁ te vapur nātha gopāla-bālaṁ sadā me manasy āvirāstāṁ kim anyaiḥ

इदं ते मुखाम्भोजमत्यन्तनीलैर्वृतं कुन्तलैः स्निग्धरक्तैश्च गोप्या

idaṁ te mukhāmbhojam atyanta-nīlair vṛtaṁ kuntalaiḥ snigdha-raktaiś ca gopyā

मुहुश्चुम्बितं बिम्बरक्ताधरं मे मनस्याविरास्तामलं लक्षलाभैः

muhuś cumbitaṁ bimba-raktādharaṁ me manasy āvirāstām alaṁ lakṣa-lābhaiḥ

नमो देव दामोदरानन्त विष्णो प्रसीद प्रभो दुःखजालाब्धिमग्नम्

namo deva dāmodarānanta viṣṇo prasīda prabhō duḥkha-jālābdhi-magnam

कृपादृष्टिवृष्ट्यातिदीनं बतानु-गृहेश मामज्ञमेध्यक्षिदृश्यः

kṛpā-dṛṣṭi-vṛṣṭyāti-dīnaṁ batānu-gṛhāṇeṣa mām ajñam edhy akṣi-dṛśyaḥ

कुबेरात्मजौ बद्धमूर्त्यैव यद्वत् त्वया मोचितौ भक्तिभाजौ कृतौ च

kuverātmajau baddha-mūrtyaiva yadvat tvayā mocitau bhakti-bhājau kṛtau ca

तथा प्रेमभक्तिं स्वकां मे प्रयच्छ न मोक्षे ग्रहो मेऽस्ति दामोदरेह

tathā prema-bhaktiṁ svakāṁ me prayaccha na mokṣe graho me 'sti dāmodareha

नमस्तेऽस्तु धाम्ने स्फुरद्दीप्तिधाम्ने त्वदीयोदरायाथ विश्वस्य धाम्ने

namas te 'stu dāmne sphurad-dīpti-dhāmne tvadīyodarāyātha viśvasya dhāmne

नमो राधिकायै त्वदीयप्रियायै नमोऽनन्तलीलाय देवाय तुभ्यम्

namo rādhikāyai tvadīya-priyāyai namo 'nanta-līlāya devāya tubhyam